ന്യൂഡൽഹി: എഐ ഉച്ചകോടിയിൽ പ്രതിഷേധിച്ച യൂത്ത് കോണ്ഗ്രസ് നേതാക്കളെ അറസ്റ്റ് ചെയ്തു ക്രിമിനൽ കുറ്റങ്ങൾ ചുമത്തിയ നടപടിയിൽ കടുത്ത ആശങ്ക രേഖപ്പെടുത്തി കോണ്ഗ്രസ്.
വിയോജിപ്പിനെ ക്രിമിനൽവത്കരിക്കുന്നതാണ് യൂത്ത് കോണ്ഗ്രസ് നേതാക്കൾക്കെതിരേയുള്ള അറസ്റ്റെന്നും വിയോജിപ്പ് ഭരണഘടനാപരമായ അവകാശമാണെന്നും രാജ്യദ്രോഹമല്ലെന്നും കോണ്ഗ്രസ് വക്താവും എംപിയുമായ അഭിഷേക് മനു സിംഗ്വി പറഞ്ഞു.
സംഭവദിവസത്തെ മുഴുവൻ കാര്യങ്ങളും വീഡിയോയിൽ റെക്കോർഡ് ചെയ്തിട്ടുണ്ടെന്നും സമൂഹമാധ്യമങ്ങളിലും വാർത്താ പ്ലാറ്റ്ഫോമുകളിലും വ്യാപകമായി പ്രചരിപ്പിച്ചിട്ടുണ്ടെന്നും സിംഗ്വി പറഞ്ഞു.
അക്രമത്തിന്റെയോ നശീകരണത്തിന്റെയോ തെളിവോ പൊതുസുരക്ഷയ്ക്കു ഭീഷണിയോ ഇല്ലാതെ സമാധാനപരമായ ഒരു പ്രതിഷേധത്തിനുമേൽ ക്രിമിനൽ കുറ്റങ്ങൾ ചുമത്തിയതിൽ മുതിർന്ന അഭിഭാഷകൻകൂടിയായ സിംഗ്വി ആശങ്ക പ്രകടിപ്പിച്ചു.
Deepika
E-paper LOGIN
LOGIN
